রাঃ এদায় ইঞিচ্ তওয়াদারে

দাশরথি মাঝি, পুরুলিয়া

---

রাঃ এদায় ইঞ্চি তওয়া দারে

জানাম আয়ো শোনিতপুর, কোকড়াঝাড়

বাইরি কওয়াঃ সেঁগেল টুটি তে

জরয়েনা মায়াং ঝার ঝার

দাঃ ঞ মেনতে বল কাতেৎ সিপাহী লছনা জঙ্গিকো সানতাড় গিদীর পিদীর আয়ো ক কঠু গচ্ কেৎ কোওয়া, দায়া গে হায় লিগিয়েনা মায়াম

জুলুঃ কানা সেঁগেল টঠা উঠা বতর জালা দাঁড় কানা ক সানতাড় হপন জাওরাঃ কানা কো আশ্রয় টঠারে, সানতাড় বির বান্টা হুঁকো তেয়ারঃ কানা

রুখয়ী লীগিৎ।

দেকো হপনাঃ বাং আঁজম লেন গীহির রাঃ রাজআরিয়াঃ বাং আঁজম লেন হুঁকী রড়,

শাসনিয়া ক বতর বতর ক লাহাঃ -

হায়রে ভারত দিসম রেন অভাগিয়ী সানতাড়

জত যায়গা রেগে আওয়াল টাপাল, রাঃ এদায় ইঞিচ্ তওয়া দারে

ইঞিচ্ জানাম সানতাড় আয়ো

মেঁৎ দাঃ তিস বোন জদ্ সাফায় তারা মাসে?

ইঞরেন বালে গিদরী গুলি তেকো ঝাঁঝরা কেদে ইঞরেন জিউয়ী জুরি ক ঠু ভিঁদৗড় কেদে

দায়া গে হায় জিব্‌ জিয়ালি গচ্ লেকা

ইঞ রেন আপাতাঃ মায়াং বোহেল এন ইঞরেন জাঁওয়ায় আঃ কড়াম চাগাড়েন

ইঞরেন বয়হায় ভিদাড় ঞুরু আকান তালা কুলহি রে

ইঞরেন মিশএরা ক তাগাড় নাচাড় কেদে ঝান্টি নাওয়া সারে ইঞ রেন পেড়া পীওরী কো ঘায়েল কাতে

ছাটপাটাঃ কানাক হাসপাতাল রে,

ইঞরেন আতো হড় গাতে গুপুতিক

ইঞ মা বহঃ ইঞ কটেজঃ কান

ঞির বাড়ায় কানা আঁদাঃ তাওয়াঃ এনাং খনাং, এনাং খনাং - রাঃ এদায় ইঞিচ্ তওয়া দারে আসাম রেয়াঃ হয় হিসিৎ রে উনিয়াঃ মেঁত্দাঃ মেনাঃ আ লাঠা -

জানাম আয়ো শোনিতপুর, কোকড়াঝাড়

রাঃ এদায় ইঞিচ্ তওয়া দারে।